انا اليوم بكتب لكم عن مشكله اعاني منها وابغي رايكم ونصيحتكم لي
انا عندي ام زوجي الله يهديها تكذب عيني عينك في كثير من المواضيع
مثلا تقول لزوجي زوجتك سكرت التلفون في وجهي وانا اكلمها امس
اقولها والله ماسكرت حرام عليك ياأمي انا اناديها أمي يمكن ماسمعتيني وانا اقولك مع السلامه
تقولي لالالا ابداا سكرتي في وجهي مو اول مره هذي
ومره تقول لزوجي اخوك يقول كذا عنك وكذا يعني كانها مو امهم تبي توقع بينهم في الكلام
مادري ليه؟ وكم مره زوجي يسال اخوه انت قلت لامي كذا وكذا ينصدم اخوه ويقول
ماتعرف امي انت كم مره تبلت علي وعلى زوجتي باشياء كثيره بس مانقدر نقول لها
انت تكذبين ياامي صعبه كثير الله يهديها
يعني الكل عارف انها تكذب انا وحريم حمواني دايم تبي توقع بينا في مشاكل وتقول فلانه قالت عليك
وسوت وسوت
والله اني صرت اجاملها وانا مااحب المجامله بس شسوي ياربي
اذا ماجاريتها تحطني في راسها وتسبب لي مصيبه
كم مره اتكلم معها بالحق تسبب لي مشاكل تنادي زوجي واخوانه قدامي تخيلو وتقول كلاام ماينقال
اني لعبت في عقل ولدها وغيرته عليها
واخرتها قال زوجي لي بعد مارجعنا بيتنا شوفي تعبت من المشاكل هي امي ومابي اكذبها قدام الكل ادري
هم عارفين انها تكذب بس ماااقدر
جاريها في كل شي واي شي تقولك قولي ان شاء الله وصح صار لا تناقشينها في شي او تقولين رايك
ونفس الكلام اتفقوا كل اخوانه عليه مع حريمهم
يعني نروح لها ونجتمع وكنا نمثل معها ايه حاضر صح كلامك اامري ………. الخ
ابي ر ايكم ونصايحكم الله يوفقكم ويسعدكم
