سقف للمطبخ يجننننننننن خياطة و تفصيل

هذي الفكره حلوه مررررره
بس ما ادري اذا كانت نزلت قبل كذا في المنتدى او لا
على العموم راح اقلكم هي
شفتها في احد المحلات للمواد الغذائيه وعجبتني الفكره مره وحبيت اسويها في بيتي
فوجدت المطبخ افضل مكان
الفكره هي عباره عن سقف معلق من الزرع
الادوات:
لوح خشب على شكل مربعات ( مثل الشبكه ) يباع في كل محلات الزينه ( مربعاته كبيره ) تقريبا قياسه 2×1
اوراق شجر من اللي تباع بالمتر وكميتها على حسب اللي يعبي اللوح الخشب بس ما يكون مليان مره
عناقيد عنب ( زينه طبعا )
العلاقات اللي تلصق على الجدران بالغراء ( خذي اقوى نوع الي يتحمل ثقل )
اسلاك معدنيه ( علاقات الملابس المعدنيه ) مقطعه الى قطع مستقيمه
الخطوات:
تعبي اللوح الخشب باوراق الاشجار بحيث انك تدخليها وتخرجيها عشان تعطيك منظر يبين ان الاوراق ملتفه عل الخشب
تلصقي العلاقات اللاصقه بالسقف
تركبي الاسلاك في اماكن متفرقه تقابل اماكن العلاقات اللي في السقف بحيث طرف من
السلك يكون ماسك في اللوح الخشب والطرف الثاني في العلاقه
تقريبا تركبي سته علاقات لكل لوح بس وزعيها بشكل يجعل اللوح متوازن
بعدين ركبي عناقيد العنب في اللوح بخيوط
انا عملتها في مطبخي وطلع شكلها خيالي
وكل مين يدخل بيتي يسالني عنها
طبعا تعمل اكثر من لوح على حسب كبر المطبخ عندك
انا عامله عندي اثنين لان مطبخي صغير

لقراءة ردود و اجابات الأعضاء على هذا الموضوع اضغط هناسبحان الله و بحمده