السلام عليكم ورحمة الله وبركاته
مساء السنع 
بما اني اموووت ع شي اسمه روبيان 
وبما اني بفرح بابتي واوريه ان بنته سنعه تعرف تسوي روبيان 
اشتريت الروبيان جاهز نظيف ومقشر ما احب اللي يجي بقشره 
واحترت بالطريقه وفتحت كتاب مبدعات عالم حواء
لقيت فيه طرق كثيييره واحترت بينهم واخترت اكثر شي حسيته بيضبط
ما يصير اختار شي صعب واتوهق لو ما ضبطته واتحطم
طبعا لا يخلو الطبق من تحريفاتي وحذفي لبعض المقادير 
عشان كذا كتبته بطريقتي مو من الكتاب 
][ المقادير ][
روبيان مقشر ومنظف
بصل كبيرة مقطعة شرائح
فلفل رومي مقطع شرائح
جزر مقطع شرائح
ثوم مقطع شرائح <<< حطيت بداله الثوم البودره 
ملعقة كبيرة زنجبيل مبشور
فلفل حار مقطع شرائح
ملعقة دقيق أبيض محلول بنصف فنجان شاي ماء
ملح – فلفل أسود
ملعقة صغيرة صلصة صويا معتدلة
ملعقة صغيرة صلصلة صويا حلوة
زيت
دقيق لدعك الروبيان
::
][ الطريقة ][
ادعكي الروبيان بالدقيق واتركيه نص ساعه وغسليه زييين من الدقيق
حطي الزيت بقلايه وحطيه ع النار وضيفي عليه الروبيان والفلفل الاسود والملح
اتركيه ع نار هاديه لين تجف المويه منهو يستوي ويشقر لونه
الحين جيبي قلاية ثانيه وحطي شوي زيت وحطي الثوم والزنجبيل وقلبيه شوي لين يتغير لون الثوم
بعدها ضيفي الفلفل الحار واستمري بالتقليب
بعدها ضيفي البصل والفلفل الرومي والجزر واستمري بالتقيب وضيفي الروبيان عليه
بعدها ضيفي صلصة الصويا واستمري بالتقليب
آآخر شي ضيفي الدقيق المحلول بالماء وقلبيه لين يتماسك قوامه
وارفعيه عن النار وقديمه مع الأرز
وهذه صورته النهائية وقت التقديم
والف صحه وعافيه ع قلوووبكم 
][ سؤال الموضوع ][
كم مره ذكرت كلمة " بعدها " بالموضوع
.
