تحية معطرهــ برائحة المسكـ والعنبر
رحلة داخل السعودية
بالعطله قررو الاهل ان نروح السعودية مثل كل عطله
نروح مكه للعمره ونزور كم منطقة شوي
وهالمره كانت السفرة غير عن كل مره ..
العادة ان نروح بسياره صج ان السفره متعبة شوي
بس وناسه مع العب ( بالجنجفه ) . ( لعبه الحية ) ( دامه ) من الالعاب المعروفه بالكويت
وبعض السفرات نحط تلفزيون صغير
واحلا شي كرتون بطايرات حق القيم بويل لول
لكن هالسفره كانت غير بكل شي
قبل مانجهز الاغراض امي طلبت مني اني اتعرف على اي شخص بمنطقه الباحة وتبي صور عنها
وماقصرو اعضاء لك بالصور
وتعرفت على سيدة درجة اولى بلك وبعدها المسنجر وبعدها خذيت رقم جوالها ( من قدي )
وبهالسفر بنروح الدمام بساره نزور اهل ابوي بعدها بطياره لي جده ومن جده لي مكه
واحنا بالطريج حددي دخت خلاص قفلت واقول حق اخوي ممكن اتسند عليك ( بحط راسي رقبتي انكسرت )
وغفيت اقصد نمت لي مكه
ورحنا فندق برج زمزم بصراحة واااايد حلووو بس مافي رموت >> همي التلفزيون امووت ع البرامج الانقليزيه ( اوبرا وينفري –ريتشل ريل – دكتور فيل )
وكنت كل دقيقه اقولهم مافي رموت حسبي الله على بليس الي قبلنا مادري وين ضيعو الرموت
المهم مر اسبوع من قعدنا بمكه وبروح الباحة وهذي المنطقه اول مره بنروح لها
وكنت ع اتصال دايم بسيدة درجة اولى وكنت بجد مستانسه حتى ماادري شلون صايره المنطقه حلوه مو حلوه المهم ان فيها وحده بشوفها .. ههههههههههههههه
بالصدفه بمكه التقينا مع ناس يصيرون حق ابوي
وابوي قالهم عن الباحة وقالو بيووون معانا وهم مستعدين ان يودونا معاهم
وعندهم بنت صغيره كل ماتشوفني تبجي
عاد انا ما بقى شي ماسويت لها اياها عشان ترتاح لي بس مافي فايده
ويوم امها جت لنا بالفندق قلت لها السالفه فسألت بنتها ليش تبجين
تقولها بنتها صغيره توها اعتقد مادشت الروضه
تقولها الحلا تخرع !!
انا اخرع وي من متى تبون الصج حتى بنت عمي تخاف مني ماادري شايفين ينيه !!
المهم جهزنا شغلنا بنركب السياره وهي عباره عن جمس واحنا عددنا اممم 11
تخيلووو زحممممممممممممه ههههههههههههههههه
والطريج حدددده يخوف كل جبال صاعد نازل يممممه لانه بالكويت مافي طرق جذي يعني مو متعودين
هههههههههههههههههههههههههههههههههههههه
تذكرت مره رحنا الطايف وفي طريج جذي تصعديييييييييين ماتشوفين النزله حتى وقتها جني حلفت افتح الباب وانززززل من الخرعه هههههههههههههه
ويوم وصلنا الباحة والشوارع متروسه لافتات ترحيب وناااااااااااااسهــ
شوي وتتصل سيدة درجه اولى وبعدها حددنا مكان نلتقي فيه ويوم وصلنا انا كنت حدددي ولهانه بشوفها لول
وامي تقولي شفيج صبري وانا مومصدقه اهي بالسياره الي جدامي واقعد بالسياره جذي لازم انزل شنو هذا !!
حدددي عصبت ييييووووو بعدين ابوي واخوها حددو مكان ننام فيه وهو فندق قصر الباحة ( مدري هذا اسمه ولا مضيعه )
ويوم وصلنا ماصدقت اقول حق امي انزل تقولي لا!!
وبعد الحنه والرنه وطلعت عذر الزحمممه والحر >> يعني كلش ماقدرتي تصبرين طول الطريج ساكته
جان امي تخليني انزل وااي ماصدقت
رحت سلمت وحدددي مستانسه ومبطله عيوني
اطالع >> شنو تطالعين
يؤؤ نسيت اقولكم فيني ضعف نظر مااطالع عدل لول
بعدها شنوو صار خل اتذكر امم
كأنه جلسنا نسولف وكلمت وحده من اعضاء المنتدى اقولها اني شفت سيده درجه اولى وبعدها
رحت اشوف الغرف حلوووين والمكان كبير
وبعدها نمنا وصار الصبح
قمت ولا امي وابوي مو هني
يووو ابي امي وابوي شنو هذا يطلعون وانا اقعد بروحي لا لا لا مايصير
وقعدت اخواني وقلت لهم امشوو خل ننزل ههههه
نزلت انا واخوي وقعدنا وميييته يووع
شوي ولا اطالع مجله ماادري شنو خذيتها اقراها واقعد بغنفاتهم ولا اشوف جدامي ولااا ….!!
امي وسيده درجه اولى يؤؤؤؤؤؤ
لا لا اكيد انا حلمانه للحين اكيد ماقمت من النوم
اطالع لالا مستحيل وين نظارتي حدددي مو مصدقه
اقوم اقرب واحس اني بحلم ولا امي وسيده درجه اولى يسولفون
لا والله !
بعدها جهزنا الاغراض عشان نروح مكان ثاني
ولي عوده بالموضوع على مااتذكر الباقي + صور للرحلة
اختكم الحلا
