يسعد مساكم امهات
الي فترة بفكر بموضوع و حابة اشوف رايكم و مشورتكم فيها
انا درست بالجامعة ضبط جودة و اشتغلت 4 سنوات قبل الزواج
هلا عندي طفلين عبودي الله يحميه معاه تاخر عقلي متوسط و محمد الله يحميه ما شاء الله عليه اموره تمام ربي لك الحمد
محمد السنه الجاي رح ادخله كي جي 1 و كنت بفكر بموضوع الحمل لكن هلا خطر على بالي شغله تانية
حابة ادرس تربية خاصة عشان استفيد و افيد ولدي اللي معاه مشاكل وبرضه اعرف اتعامل مع الولد التاني
زوجي الله يرضى عليه شجعني انا كنت بدي ادرس جامعه لكن بعدين حكيت خليها كلية سنتين يعني لانه مع البيت و الاولاد الدراسة رح تاخد وقت اطول
وبعد فترة لو حبيت اشتغل بشتغل بمجال ينفع الاطفال ذوي الاحتياجات الخاصة
شو رايكم بتشجعوني و الا بلاش من هالشغلة و التعب المادي و الجسدي
