فيه شغله مقلقتني نوعا ما وهو انه مايختلط كثير بالاطفال
بحكم انه اهلي واهل زوجي ماعندهم اطفال في هالمرحله (ماعدا بعضهم بس قليل يشوفهم بسبب مشاغل الحياه*)
فكنت مره طالعه به استراحه وكانت فيه بنوته بريئه بس شقيه اكبر منه بسنه يعني عمرها ثلاث سنوات
بس رابيه مع اخوانها العيال المشاغبين
فهي متعوده تضرب وتنضرب
فاللي حصل انه ابني اخذ الكوره قامت الصعنونه المشاغبه شدت شعر ولدي واخذت الكوره منه
طبعا هو صاح بقـــوه مو كله ألم قد ماهو مرتاااااع
انصدم انه فيه بالدنيا ناس عنيفه
انا حزنت مو ع البنت (لانها طفله بريئه لا تؤاخذ)
حزنت على ضعف شخصيه ابني وخفت ان تلتصق هذه الخصله فيه
كيف اربي ولدي على انه يدافع عن نفسه بنفسه ويضرب وينضرب خاصه وانه ولد ومايصير اتكالي بس يصيح وينادي احد يفزع له
وفي نفس الوقت يكون مؤدب مايعتدي على احد مسالم معاه
حسيت اني ضروري ادخله في وسط اطفال
حتى تنشأ هالصفه فيه ويعتمد على نفسه هل الحضانه توفر لي مثل هذا الجو
خصوصا اني في الغد القريب راح ادخله مدرسه
واطفال الحي اللي احنا فيه معظهم مشاغبين والشوارع تشهد بأفعالهم
فما اريد لابني ان يحدث معه موقف ضرب او تحرش لاقدر الله ويكون سلبي الشخصيه
اتمنى تعلقون على المسأله من جانب تربوي ولك كل الشكر
