القلقـــــــــاس
دى القلقاساية قبل ما تتقشر
وهنا لما اتقشرت ونضفت وبقت تمام
وهنا قطعتها مكعبات صغيرة
نبدأ بقى المهم .. بتحطى شوية ملح كتير وتدعكى بيهم القلقاس
وبعدين تحطى عليه كمية ماء ساخن جدا وتسيبيه شوية
ولما الماء يبقى دافى ابدأى ادعكى القلقاس باديكى الاتنين .. هتلاقى ان المادة اللزجة اللى فيه بدأت تنزل فى الماء ..
تغيرى الماء وتحطى ماء ساخن مرة تانى وتكررى العملية مرتين او اكثر لغاية ما تروح المادة اللزجة اللى فيه
فى حلة على النار بحط مقدار من الشوربة ويفضل تكون شوربة طيور .. دجاج او بط او وز .. المهم حوالى 3 كوب شوربة واول ما تغلى احط القلقاس المغسول فى ماء بارد (آخر غسلة)
واضيف نصف ليمونة عليهم واسيبهم يستوا
نيجى للخضرة بتاع القلقاس
هانحتاج سلق وشبت وكزبرة
السلق هاشيل منه العنق بتاعه واخلى الورق بس هايبقى بالشكل ده
وباقى الخضرة بقطعها بس بقدر الامكان تكون اوراق بس
وفى ملعقة كبيرة سمن على النار
اضيف الخضرة عليها بعد ما اغسلها كويس ومع رشة ملح وفلفل
(معلومة حلوة بقى للى عندهم زرع فى البيت المية اللى غسلتى فيها الخضرة أو اى خضرة تغسليها زى الملوخية او السبانخ اسقى بيها الزرع اللى عندك لأن بيكون فيها اسمدة بتغذى النبات اللى موجود عندك انا بسقى بيها الفلة بتاعتى يارب تطلع فل كتير المرة دى ههههههههه )
وبعد ما تدبل الخضرة شوية بنضيف حوالى 6 فصوص ثوم صحيح مش مدقوق .. واقل على نار هادية لغاية ما الماء اللى فيه ينشف خالص ويبدأ يعمل صوت فى الطاسة
هايكون بالشكل ده
اروح واخداه وحاطاه فى الهون وادقه هتلاقيه بقى بالشكل ده
وبعد ما يستوى القلقاس اضيف السلق المدقوق عليه
وبالهنا والشفا
ومع الرز المحمر والفرخة الحلوة اللى هناك دى .. بالهنا والشفا
