تخطى إلى المحتوى
الرئيسية » ماساتي مع طفل ممروض ……… -عالم الأمومة

ماساتي مع طفل ممروض ……… -عالم الأمومة

  • بواسطة

ابني خلص الخمس شهور (العمر كله) اول اسبوع اصيب بالكرشح واخد تحاميل وابر وشراب وقطرة ووقت مراحعة الدكتورة صار بوجه حب فكتبت لنا على دهن احمر ودهن تاني ومر اسبوعان ولم يشفى الصي نحنا ندهن هالوجه المهم بعد شهر صارت حمامته ورمت وصارت كبيرة هي قبل مانطهره المهم اخدناه عند دكتور جلدية وقال هي جرثومة وعطاه دهن وشراب. والحبوب اللي في وجه لسا ماراحت ومازالت بازدياد فاعطانا كمان ابرودهن وشراب وبعد اسبوعان طابت حمامته وطهرناه ولسا ماطاب وجهه المهم استمرينا بالعلاج لمدة ثلاثة اشهر وبالاخير قال الدكتور هاد من كتر الحر وعلاجه انه نضعه تحت المكيف وصرنا نحطه تحت المكيف ليل نهار الحمد لله حتى رمضان تحسن وصار منيح ……..
ووقت اللي خلص رمضان مرض وصار يسعل وكرب اخدناه عند دكتور اذن انف حنجرة وعطاه شرابات و…..
وما استفاد نهائيا وقال الدكتور اذا ماشفي جيبوه اكتبله ابر بس زوجي لم يعجبه الدكتور فلم نرجه عنده لانه قال سمع ان الطفل مابده طبيب مختص بس طبيب للاطفال والرضع ..
واخدناه عند دكتورة اطفال وقالت معه التهاب قصبات شعرية حاد وكمان كتبتله ابر وشراب وقطه وشراب تاني قالتلي يسبب العصبية الشديدة وقالتلي بده يعذبك هاليومين وعطتني تحاميل منومة لحتى ينام معي بالليل وصار ماينام الا اذا اخدناه بالسيارة وبعد التحميلة كمان وصرت ما اعرف ليلي من نهاري عطول عبيبكي ولايسكت لا بالحمل ولا بالهز ولا بالرضاعة و ………
وبعدين مااستفاد قالتلنا ماالكن غير جلسات الرذاذ واشتريناله جهاز رذاذ وكمان ضل عشرة ايام وكمان ماستفاد ..
واخدناه من يوميت لعند دكتور اطفال تاني وقال هاد معه ناميات بانفه ومعه متل تحسس ربيعي او خريفي وقله بده يتم هيك لحتى يتحسن لحاله واذا طول هيك لبعد عمر السنة ساعتها بكون اله حكي تاني وبكون صار غير موضوع ….
والن عاني معه لاعبنام لا ليل ولا نهار يعني هلق خلص الخمسة اشهر وساعات نومه لاتتعدى ال9 ساعات مع نوم النها بينام بس نصف ساعة و ماعاد اخد الرضاعة عبضيق نفسه كتير وخاصة بالليل وصاير عصبي بده عطول الواحد يحطه بحضنه انا تعبت كتير معه حاسه حالي ممرضة وياريت عبيستفيد هالولد
ماهبعرف اش اساوي ومين اصدق من هالدكاترة وزعلانة عليه كتير لانه من وقت اللي ولد وهو عبيشرب بهالادوية وهو صغير لسا كتيرررررررررررررررر نفسيتي تعبانة بشكل فظيع مابعرف كانه عين وصابتنا يارب انت تشفي هالولد وتحميه وتحفظه ويطول بالي لانه تعبت آآآآآآآآآآآآآآآآآآآآآآآمين .
اطلب منكم الدعاء بالشفاء وبالسكينة وبالهداية لي واذا عندكم مشورى لي قولولي شو اعمل؟؟؟؟؟؟؟؟؟؟؟؟؟؟؟

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.