أنا أم زوجي من النوع اللي تغار كثير وتفهمني غلط وتفسر كلامي على كيفها ولا تحترمني بالرغم من اني أحترمها واقدرها وأتعامل معها أحسن معامله والله هذا كله عشان زوجي. الحقيقه انه يحبني كثير ومو مقصر معاي في شي وما يبغا يشوفني الا راضيه وسعيده الله يخليه لي ولا يحرمني منه ووعدني عن قريب انه راح يشتري بيت لنا لوحدنا. لكن أنا ماأبغا تكون علاقتي فيها كذا ودي يكون بينها وبيني موده لانها في النهايه هذي جدة اولادي والظفر مايطلع من اللحم.مولازم تعتبرني زي بنتها بس على الأقل أبغاها تحسن النيه فيني وتبطل غيره ودق في الكلام هي وبناتها الثلاث وأنا والله ماسويت لهم شي حتى اذا سألتهم عن شي قالو عجبها وغارت تبغا تشتري زيه مع اني ماديا أفضل بكثير الحمد لله. هذا غير انها تحب تتشره بشكل مو طبيعي. ما تلتمس العذر لأحد. والناس كلهم غلط الا أولادها وبناتها ماادري ليش مع انها طيبه جدا مع اولادها وبس تدعيلهم من قلبها والله وتموت في أولادي وبناتي. حنونه عليهم بشكل مو طبيعي ماشالله هذا خلى لها قدر عندي بس فيها هذي الطباع اللي ذكرتها ياليت ياأخواتي تنصحوني باللي فيه الخير لي ولاولادي وزوجي اتمنى ما تخيبوا ظني فيكم. انتظر الردود
