اني وحدة من صغر عندي زيادة وزن والكل كان يعيرني بالدبة بس ما كنت افتكر لأن طبيعة جسمي بهذا الشكل
كبرت وصرت ما أفتكر أزيد وعلى سن الـ 22 صارت لي ظروف وعلشان أبعد عن كل المشاكل صرت أسلي نفسي بالمشي والرياضة لا لهدف بس أن ابتعد عن المشاكل ,,
بعد مدة نزل وزني وصرت ألفت الانظار فزيت الهمة حتى استطعت انزل 14 كج وصرت حلوة ومضرب المثل في الارادة
بعدها انملكت .. و اللي تدخل هالمشور حياتها مو لها .. بعدها مرحلة الامومة وضريبتها ..
في نس هالفترة صابني قصور في نشاط الغدة ومن مشاكلة الجانبية ان الجسم ما يحرق لا دهون ولا غير دهون
وعدنت للتكدس
صار لي زمن وانا منتظمة على العلاج بس التراكم لازم ينوجد له حل
قبل أقل من شهر أنصدمت لمن عرفت وزني ومادري شلون هالوزن صار لي جدي .. اول مرة يطفر بهذه الطريقة
ومن يومها بديت أقفل الفم مو قفل تام بس أفطر وأتغدي وأتعشى عادري بس ما أخربط بين الوجبات لا شاي ولا غير شاي ولا كوفي ولا هم يحزنزن ..
اني موظفة وماعندي وقت للرياضة غير البيت ومسؤلياته مع العيال ..
لكن أحال ألعب لو نص الليل 10 دقايق ورح أسيح وانام ..
لحد الان أنخفض من وزني 1.6 كج .. بس صايرة هوسية كل شوي أصعد على الميزان وأقيس وزني
أفتح دولاب الملابس وأسترجع بعض من ذكريات الملابس القديمة
آخر شي خديت وعد على زوجي وقلت ليه أوعدني اذ فستان الزفا دخل فيني تاخدني وياك لللأستوديو حق نصور وطبعا أهو ما تردد في وعدي
لكن بعد مرور هالشهر تقريبا أشعر بشي من الكسل ما كأن المشوار قدامي طويل
شنو تنصحوني بتات
لا تقولون لي رجيم ما رجيم .. ما أحب هالسوالف ..
انتظر ردكم
