السلااااااااااااااااااااام عليكم
عزيزاتي و حبيباتي
اعزائي الافاضل مرتادي منتدى لك
اضع بين ايديكم تجربتي و زيارتي الشخصية لحديقة اليورو ديزني و التي هي حلمي منذ الطفولة و اشارككم احاسيسي و انطباعاتي و ارجو من الله التوفيق في ذلك.
ارجو ان ينال استحسانكم و يلاقي القبول عندكم و تنبسطوا و كنكم انتو اللي زرتوه و اللي سبق له و زراه و وجد ان لديه شيء يزيده فمرحبا به البيت بيتكم و راح تلاقوا القهوه و الشاي و العصير خخخخخخخخخ
صار مقلط مو موضوع
يالله لا اطول عليكم اكثر
سلام عليكم
————————————————————————
————————————————————————
هذه الصورة بعد الصورة العووووده اللي في اول الموضوع و هي للممرات اللي تعدي منها عند مواقف السيارات
هاي بعد ما تمشي و كلك حمااااااس تبا تدخل لديزني يكسروا رجولك ليما يخف حماسك شوي شوي و يصير مالك نفس الا للجلوس بأي مكان خخخخخخخخخخ
هاي مثل ماهو مبين للي يبا يزور الاستوديو يتجه صوب مسامع ميكي يقضب الدرب مو يقضب مسامع ميكي ماوس ههههه
نحن ما زرنا الاستوديو بس اللي عنده سؤال عنه بحاول اجاوب عليه 
بس لا تكثروا
و هاي القريه يعني اللي نازليين في الفنادق اللي تابعه لديزني من هني دخولهم بعد تمشيييييييييييييي ليما تمل من المشي
بس هذا المكان يوم طلعنا حوالي الساعه 11 و نص مساء كان هالمكان يرقل يعني طالع منه اصوات وااايده
و عقبه تقريبا بأمية متر او انا حسيتها كذا تجي بوابه تفتيش بس يحسسوا الحقائب و يلقوا عليها نظره يعني موب تفتيش زي ما عندنا في المطارات خخخخخخخ
تجي عقبها البوابه الرئيسيه و هذا اللي لحقت اصوره من البوابه لان عيالي قاموا يركضوا هم و ابوهم ههههههه
بيني و بينكم انا حتى كان خاطري اركض بس لولا ان ميكي كان قبالي ولا كان سويت سوايا خخخخخخخ
المهم تجي البوابه الرئيسيه و عندها ممكن اللي عنده حقائب كبيره للاطفال او اي شي يحب يحطه في الامانات موفرين خزائن مقابل 2 و يورو و 50 سنت لطول وقت وجودك ايضا موفرين عربات للاطفال و نصيحه مني اللي عنده صغار يعني اكبر من 3 سنوات ياخذ له عربانه لان الاطفال راح يتعبووووووووووووا من المشي
تجي بعدها شراء التذاكرو اكيد راح يبدا نظام الطوابير يعني مو مثل عندنا الكل على شباك التذاكر كانه نمل على سكر
التذاكر اسعارها للكبار 46 يورو
للاطفال 38 يورو
وهذه السنه احتفال بالذكرى ال15 لليوروديزني مسويين تخفيض للاطفال دون سن 7 سنوات للحاجزين في الفنادق التابعه لديزني.
الحلو انهم يعطوك التذاكر و معاها محفظه من ورق صغيره علشان ما تطيح عنك التذاكر لانهم عارفين ان العالم بيتخبلوا و عادي يضيعوا عيالهم مو التذاكر و بس هههههههه
هني يبدا الحمااااااااااااااااااااااس كله
تدااااااااااااااااااااااااااااااااا
هذا يسمونه المين ستريت او الشارع الرئيسي و كله محلات و مطاعم وطابعه امريكي بحت يعني كانهم يذلوا اوروبيين بديزني و يذكروهم ان اصله امريكي خخخخخخخخخخ
يالله بديت اتعب اذا تبوني اكمل قولوا كملي مو السلطانه و بس اللي ترد علي و لا بسكر على الموضوع و ما براويكم الصور اللي عندي 
