خواتي بنات لكِ أتمنى مساعدتكم من بعد رب العالمين لو بنصيحه او توجيه
انا ماتتخيلون جسمي كيف صار من رجيم الى رجيم ارهقت جسمي واهملته وعرضته للنحف
وللسمنه بشكل متقارب ومتكرر وهالشئ سببلي ترهلات كبيره جداً الجلد صار نازل ظهري صارت
فيه ثنيات كبيره ومتهدله وشكل البلايز لما البسها من رى مره مقرف استغفر الله العظيم البطن
تهدل ونزل لتحت الزنود مترهله وطايحه حتى عيال اخواني يقولون لي ليش كذا ايدينك قصيهم
عشان يطلع جسمك حلو الشكوى لله بس هذا غير فخوذي الجلد فيها متراكم على شكل تعرجات
والله اني فكرت اسوي عمليه بس اهلي مو راضين رحت سويت رياضه والحمدلله جسمي فرق كبير
عن اول ولكن بعد ماتركت الرياضه شهور طويله رجع ترهل جسمي اكثر من أول حتى المدربه
سألتها وقلت لها مو ممكن ينشد جسمي مع الرياضه قالت ايه ممكن بس مستحيل يرجع مشدود
كأنه مامريتي بالسمنه مستحيل خاصة الجلد اللي ترهل يوم نحقتي من غير رياضه هذا مايشد
ابدا لانه خلاص ترهل ونزل هذا غير تحطيم الاخرين لي لما قالولي انه الوحده بس توصل للثلاثين
مستحيل ينزل وزنها للوزن المثالي او حتى القريب منه لأن العمر له دوره وبنفس الوقت الجسم
مايستجيب للنزول مثل العشرينات بجد قمة التحطيم احس ماشاء الله البنات في هالزمن تتباهى
بجمال اجسامها وانا من يوم كنت صغيره وبعد مابلغت ابتديت اسمن وعشت من غير اي تفكير
بشكل الجسم لأن ماكان فيه حد يشجعني على النحف او حتى أحد مهتم بالرشاقه الكل ساكت
ولا كنت حتى ادري عن شي اسمه شكل جسم كانت حياتي اكل ولعب ونوم مافكرت انه بيجي
يوم بقول انا ليه جسمي كذا مو زي البنات اللي من عمري حسيت بسمنتي اني اكبر من عمري
ولكن الحمدلله على الاقل الان حسيت وابتديت ولكن نفسي اسوي شي لجسمي اشوف فيه حماله
ابغا اكون مثل غيري من البنات ساعدوني الله يجزاكم خير ابي استمر على رجيم ابغا شهيتي
تنخفض على الاقل ابغا اسوي رياضه وابغا امشي ابغا اكون انسانه ثانيه ابغا هالترهلات تختفي
ساعدوني بتمارين وتوجيهات من خبراتكم بجد محتاجه لوقفتكم معي .. بنتظاركم بفارغ الصبر ..
