ماتت معيونه‎!!!!!!!! –

البنت طالبة في الثانوية, أوقات تجتمع هي وصديقاتها بملاهي نسائية, ومن الطبيعي يكشخون من لِبس ومكياج وكل شي..
المهم ذاك اليوم وحدة من زميلاتها أوّل مرة تشوفها برّى المدرسة, فَ أوّل مرة تشوفها كاشخة وبمكياج وكذا
فَ لما شافتها شهقت " فلااااانة !؟ مو معقووول .. ما أصدق .. ما عرفتك .. !!

البنت شويَّات وتطيح بطولها عالأرض مُغمى عليها !
انخضت الأوضاع, واتصلوا بأهلها وأخذوها للمستشفى على طول
سوّوا لها الكشوفات و الفحوصات اللازمة وطلّعوها, كانت صاحية, والفحوصات تقول البنت سليمة ومافيها شي.
رجعت البيت ..
خلال 3 أيام بدأت بطنها بالانتفاخ, صديقتي تقول: "والله ياطرمبه لو تشوفينها بعد 3 ايام بطنها انتفخ
كأنها حامل بالشهر التاسع !! "

تقول "أخذناها للمستشفى واكتشفوا إن الخلايا السرطانية انتشرت بجسمها
وكليتيها تفجّرت والسكر ارتفع ضارب وهي الحين بالعناية المركّزة"

راحوا للمدرسة, حاولوا ياخذون سُور البنت(أثرها), البنت رفضت بشدّة !
كلّموا مديرة المدرسة تحاول بأي طريقة ياخذون أثر الفصل كلّه بأي طريقة عشان البنت العاينة ماتحسّ
لكنّها ظلّت عند موقفها, رافضة راافضة ..!!

وحدة من صديقات البنت المصابة قالت إنها بتحاول تجيب أثرها بأي طريقة قارورة مويتها او اي شي
لكن ما لحّقت الا والبنت العاينة تسهّلت امورها وسحبت ملفها من المدرسة ونقلت !

الاهل اخذوا اسم البنت وراحوا لوزارة التعليم و وضحوا لهم الأمر, جزاهم الله خير
ماقصّروا ودلّوهم على اسم المَدرسة اللي راحت لها.
هالفترة تقريبا يعني مرّت حول الاسبوعين والبنت في العناية المركّزة

المَدرسة الجديدة تعاونت معاهم جزاهم الله خير, وتطوّعت وحدة من الطالبات بأنها بتجيب لهم أثرها
واخيرًا قدرت جزاها الله خير وجابت عَجم التمر, من أثر البنت العاينة
وخبّرت أهل البنت المُصابة

الفترة كانت تقريبا تعدّت الـ3 اسابيع والبنت في العناية طريحة
الاهل استلموا العجم وبلّغوا من في المستشفى انهم بينقعونه في موية عشان يغسلون
بنتهم به

إلا ويجيهم في نفس اليوم خَبر وفاتها [ كان الأسبوع الماضي رحمها الله]

الله يرحمها ويجعل ما أصابها تطهيرًا لها وتنقية لها ياارب
وأن يبّثت قلوب ذويها ويلهمهم الصبر والسلوان