طريقة جديدة للباذنجان للي تحبه وتقدره بس هالمرة بالمعكرونة واكيد رح تلاحظوا انها طريقة خفيفة للريجيم…….
المقادير:
حبة باذنجان حجم وسط
بصلة وسط مقطعة شرائح رفيعة
بندورة عدد 3 حجم وسط مفرومين ناعم
2 ملعقة كبيرة صلصة بندورة
مقدار كوب من الفطر المقطع المعلب
2 حبوب ثوم مفرومين ناعم
ملعقة خل صغيرة (النوع اللي بدك ياه)
كوب ماء
2/1 1 ملعقة ونصف كبيرة من الاوريغانو او الزعتر البري
حوالي ربع كوب زيتون اسود
جبنة بارميزان
صنوبر مقلي بشوي زيت
معكرونة بشكل حلزوني او مخروط او متل ما تحبي
[IMG]
[/IMG]
الطريقة:
نقشر الباذنجان ونقطعه مكعبات حجم وسط ونضعه في قدر او طنجرة ونزيدالبصل المقطع والبندورة المفرومة ناعم والصلصة، الفطر ، الثوم، الخل والاوريغانو . نغطي الطنجرة وعلى نار هادئة نتركهم حوالي 2/1 ساعة حتى نشوف الباذنجان استوى والمرقة تخترت واذا لزم الامر نزيد ماء شوي حتى تطلع المرقة او الصوص كثيفة وآخر شي نزيد الزيتون مع ملح وبهار حسب الذوق.
نسكب في الصحن المعكرونة المسلوقة طبعا وفوقها هذا الصوص وجبنة البارميزان وصنوبر المقلي.
وصحتين وهنا على قلوبكم وان شاء الله تكون عجبتكم
هذه الطريقة اخذتها من صفحة اجنبية وجربتها وطلعت كتيرررر طيبة ولذيذة وخفبفة متل ما قلتلكم والصورة ايضا ملطوشة لاني لسه ما عندي كاميرا ان شاء الله في القريب العاجل النق شغال
بانتظار رايكم وردودكم…
ام اسامة
