أخواتي الحبيبات حاولت أسوي بحث عشان أعرف اذا الموضوع مكرر بس ما رضي يفتح أيقونة البحث
اللي في الركن اليسار فوق فتوكلت على الله وحطيته واذا مكرر سامحوني
واذا واحدة تعرف ليش ما رضي البحث يشتغل تقولي
وكمان الوجوه الضاحكة ما تشتغل معاي اليوم ما أدري أيش الحكاية خبروني
أمور نـسـائـيـة ,,,,, لاتفوتكم
من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد علينا
بس الجديد هو اللي بقولكم
قريت مقاله ورد فيها عبارة تقول:
(( المرأة تتحمل الآلام من اجل جمالها))
وقفت عند هذه العباره كثيييييييير
لقيتها صحيحه مليوووووووون في الميه
===============================
صارت مناسبة والبنت تبي تروحها لبست وكشخت وما لقت جزمه (( الله يكرمكم )) تناسب الفستان يعني الكعب اللي يلبسونه الحريم وكما يسمونه (( الشوكه )) من اسمه يخررررع
هذا الكعب الله يسلمكم أتحدى رجال يمشي فيه متر واحد
والله إني استغرب بعض الأحيان
الوحدة تلبسه وتروح مناسبة ولين رجعت وفسخته تنرحم تقول أسير توهم فاكينه تقعد تتشكى وآآآآآآآي يا ظهري ومقدر أحركه وحااااااله (( طيب وش اللي حادك يوم تلبسينه ))؟؟
أنا أقولكم ليش عشان تطلع طويلة ورزة
باختصااااااااار عشان تطلع أحلى…!!!؟؟
=================
وش تسوي لاااااااااااااااااااازم تلبس شي يناسب
تروح تحوس عند خواتها تلقى وحده مناسبة تقيسها تطلع ضيقه وعناااااااااااااد
إلا بتدخلها (( تذكرني بخوات سندريلا ))
وأخيرا قدرت تحشرها برجلها
وراحت المناسبة
والمسكينة رجعت ورجليها وارمه ومحمره ((والله تكسر الخاطر))
كل هذا عشان الكشخه
عشان تطلع أجمل وأحلى..!؟؟
======================
بعض البنات تلتهب إذنهم من (( الحلق ))
واذا طلعو مكان لازم يلبسون حلقات ولازم نفس لون اللبس
ومايمدي المسكينه ترجع إلا على طول تفصخه هذا إن ما شالته بالسياره ثم تغسل مكانه بماي بارد
وتحط كريم وحاله
كل هذا عشان تطلع أحلى..!؟؟
=================
وفيه حلقات نازله قبل فتره تكون طووووويله أو حلقه كبيره
وفي حلقات كبار ما تتحملها الإذن البشريه
يعني يالله إذنين فيل عشان تناسب حجمه
استغرب من اللي يلبسونها خطر تقطع إذنهم
يتحملونها عشان الموضة
عشان يطلعون أحلى..!؟؟
==================
العدسات الملونة ما تناسب عيون الجميع
بعضهم يلبسونها وعيونهم محمممممممممممره وتدمع وتوجعها
بس الضعيفه مقاومه ومتحمله
عشان تطلع أحلى…!!؟؟
==========
ولا التسريحات بالعروس حدث ولا حرج
يمكن البعض ماقد شاف درازن التوك والبنسات المدعسه في هالتسريحات
يعني لو وحده تجيها خبطه على راسها يمكن يتخرم من البلاوي اللي تحت التسريحه
وبعض التسريحات ثقيله ومليانه اكسسوار وبعضها يوجع الراس ويكون مشدوووووود
طيب لييييييييييش مستحملين العذاب
عشان تطلع أحلى…؟؟؟
===============
والبعض ما يتحمل الشدو أو الظل والكحل لأن عينه حساسه
ويحطونه وعيونهم توجعهم
وترجع البنت وأنواع القطرات وغسول العين من البلاوي اللي حطتها
طيب ليش تحطها وعينها ما تتحمل…!!؟؟
يا خزياااااااه تبونها تروح بدون ما تكمل الميك أب جعل عيونها تنحول أهم شي الكشخه
عشان تطلع أحلى..!!؟؟
================
بعض الحريم تبي تلبس فستان ضيييييييييييق والكرشه ماتساعد ابد
تروح تلبس مشد
ولا يخفى على الجميع ما يسببه ذالك المشد من آلام..
يعني ذولا اللي يلبسونه ينرحمون حتى ما يعرفون ياخذون نفس منه
ويمكن ما يتعشون حدهم الشاهي
مافي أمل الفستان بينشق
كل هذا عشان تطلع أحلى….؟؟!!
============
والبعض نفس الشي تنانيرهم ضيقه مررررررررررررررره
السحاب شوي بينقطع
تلقاهم اذا جو يتعشون فكو السحاب عشان تدخل اللقمه
ياحراااااااااااام ليييييييييييش…!!؟؟
عشان تطلع أكشخ وأحلى..!!؟
===============
ولا الميك أب وما أدراك ما هو
طبقات مليسه على خشة الوحده
والله ينرحمون حتى ريحته تكتم كريم واساس وطبقات وبودره ومدري وش وووووو
كل هذا عشان تطلع فاتنه عشان تطلع أحلى..!!؟؟
==================
ولا الوحده اذا طولت أظافرها تحسبونها مرتاحه فيها
تكذب عليكم لو تقول إنها مرتاحه
وأنا اعني بتطويل الاظافر اللي موب صاحي يعني انسب شي سنتي متر واحد هذا اكثر شي وعقب
تقررررررف
وتتحمل البنت عشان المناكير
والموضة والحركااااااات
عشان تواجه وتطلع أحلى…!!؟؟
واذا رجعت البيت من الحفله ماتقدر توصل غرفتها يالله تشوف قدامها
الموضوع عجبني وقلت أشارك بنقله لكم
منقووووووووووووووول
وحشتوني كثير فقلت خليني أرجع بموضوع
أحبكن في الله أختكم أم شهد
