أنا متزوجة لي سنة ونص ورزقني الله ببنت جميلة الله يحفظها لي
في خلال السنة الأولى كانت أم زوجي فيها غيرة من بعض الأمور بس أنا كنت مكببببببببرة عقلي وبطنش كثير لأنها بصراحة إنسانة طيبة جداً وكنت أقول غيرة أم من زوجة ولدها وأمشي الحال
كنت انا وزوجي نتخاصم كثير في السنة الأولى وهي اللي كانت تصلح بيننا كثير والله لكن بمجرد ولها ما صار كويس معايا هي انقلب حالها بزيادة بس برضو كنت بأطنش لأني كنت ما بأنسى جميلها معايا في بداية زواجي
المشكلة معاها بدأت بعد ما ولدت بنتي صار عندها حركات غريبة تعملها لبنتي !
مثلاً تحط صدرها في فمها !!!!
تحضنها وتبوسها بقوة بقوة بقوة تصحي البنت مرات من نومها من قوة البوسة !
تاخذها وتروح غرفة ثانية تقعد معاها لحالها
أنا بصراحة خفت منها بعد اللي شفته
زوجي كلمها لأنه حس باستيائي في وقتها على طول وحلفت انها بعد كذا ما عاد تعمل هالحركة أبداً
بس أنا يعني بعد ما زوجي قالها حسيت انهم كلهم عارفين وحتى معاملتهم لي متغيرة كلهم الأم والأب والعيال زي كأنهم ماخذين حذرهم مني !!!
مع انه المفروض العكس المفروض أنا اللي آخذ الحذر وبعض العيال صار يعني كأنه يتريق عليا يعمل نفسه بياخذ البنت
وأمه كل يوم تتصل تقوم طلعي البنت !
وأنا أطنشها
يجي زوجي وياخذها ويطلع يسلم على أمه
أنا نفسيتي مرة تعبانة يا جماعة وبعد ما تحسنت أحوالي مع زوجي
رجعت ساااااااااااااااااااااااءت جداً لأني كام مرة أكلمه أبغاه يطلعني بيت لحالي بس هو رااااااااااااااااااااااااااافض رفض بشع وكمان أنا بتكلم بسوء على أمه ( والله غصب عني ) وعلى حركاتها البايخة مع بنتي ولأنه كمان يبغى كل يوم يطلع بنتي لأهله وأنا عندي خووووووووف شديد أنها تعلّق بنتي فيها بسبب حبها الغاااامر لها
لأنها حفيدتهم الأولى
أنا خايفة جداً إنها تاخذ بنتي مني والله انتوا ما تتخيلوا كيف هذا الموضوع مأرقني ياجماعة
بعد ما كنت أبكي وأرتاح دحين خلاص حتى الدموع صارت غالية والله العظيم ما صرت أنام أبدا أبدا حتى لما تنام الصغيرة أنا ما أنام ايش أعمل ؟
أنا قلبي متعلق ببنتي مرة مرة وخايفة ايش بس أعمل
والله يسعد ويريح بال وقلب كل من تهتم بقرائتي والرد عليا ومساعدتي
